Mahigit P84-M premyo sa Superlotto 6/49, tinamaan ng isang mananaya

Nasolo ng isang mananaya ang mahigit P84 milyong premyo sa Superlotto 6/49 draw nitong Huwebes ng gabi, July 1, 2021. Ito na ang ikalawang sunod na araw na may tumama ng jackpot.

Sa website ng Philippine Charity Sweepstakes Office, nakasaad na isang mananaya lang ang nakakuha ng winning combination number sa 6/49 draw na 10-20-32-40-08-11.

Umaabot ang premyo nito sa halagang  P84,057,406.00.

Wala namang nanalo sa isa pang draw na Lotto 6/42 na may winning combination na 09-02-20-26-01-32, at may premyo na mahigit P12 milyon.

Sa draw nitong Miyerkules, June 30, 2021, isang mananaya rin ang nanalo sa Megalotto 6/45 na may winning combination na 14-25-09-15-06-16, at may premyong mahigit P54 milyon.--FRJ, GMA News