Pinayuhan ng Food and Drug Administration (FDA) ang publiko na huwag bilhin at kainin ang Reno liver spread dahil hindi ito nakarehistro, kasama ang apat pang produkto.
Sa abisong ipinalabas ng FDA nitong Miyerkules, kasama sa mga inirekomendang huwag bilhin ay ang Miracle White Advanced Whitening Capsules Food Supplement, Turcumin Natural & Standardized Turmeric Curcumin, Desa Spanish Style Bangus in Corn Oil, at Samantha's Spanish Sardines Paste Sauce.
“The FDA verified… that the above mentioned food products and food supplements are not registered and no corresponding Certificates of Product Registration have been issued,” ayon sa ahensiya.
“Since these unregistered food products and food supplements have not gone through evaluation process of the FDA, the agency cannot assure its quality and safety,” dagdag ng DFA.
Paalala ng FDA, maaaring alamin ng publiko kung nakarehistro ang isang produkto sa kanilang website na www.fda.gov.ph. --FRJ, GMA News
