Sa halip na karaniwang mga bata, mga lola ang nagsilbing flower girls sa ginanap na kasalan sa Silang, Cavite.
Sa ulat ng GTV Balitanghali nitong Biyernes, ipinakita ang video na kuha ng NK Photocinema sa kasal nina Victor at Cher, na ang mga lola nila ang nagsilbing flower girls.
Game naman ang mga lola sa pagsaboy ng petals sa wedding aisle na may kasama pang pag-indak.
Labis naman na ikinatuwa ng newly wed ang suporta sa kanila ng kanilang mga lola. --FRJ, GMA Integrated News
