11 motorsiklo, nadulas sa tumagas na langis ng truck sa Pangasinan

Aabot sa 11 motorsiklo ang naaksidente dahil sa tumagas na langis mula sa isang truck sa Mangaldan, Pangasinan.

Sa ulat ng GMA Regional TV One North Central Luzon, na iniulat din sa Balitanghali nitong Huwebes, makikita ang pagtagas ng langis mula sa nakaparadang truck sa Barangay Salay.

Ilang saglit lang, isang motorsiklo na ang nadulas.

Sa isa pang kuha ng CCTV, sumemplang din ang isa pang motorsiklo at tumilapon pa ang rider.

Naglagay na ng kusot ang mga awtoridad sa bahagi ng naturang kalsada upang maiwasan ang mga katulad na insidente.—Jamil Santos/AOL, GMA Integrated News