Arestado ang isang lalaki na armado ng kutsilyo matapos siyang mang-hostage ng isang senior citizen sa Pagadian City, Zamboanga del Sur.
Sa ulat ng GMA Regional TV One Mindanao, na iniulat din sa 24 Oras Weekend nitong Sabado, mapapanood ang video ng ginawang pangho-hostage ng lalaki sa biktima.
Pinakawalan lamang ng lalaki ang senior citizen matapos dumating ang kaniyang pinsan.
Hiniling ng suspek na makita ang pinsan para maging kapalit sa pagbabantay sa tiyuhin na nasa ospital.
Lumabas din sa imbestigasyon na posibleng may kondisyon sa pag-iisip ang lalaki.
Nahaharap siya sa reklamong serious illegal detention.
Ligtas naman ang na-hostage na senior citizen. —Jamil Santos/VBL, GMA Integrated News
