Nahuli-cam sa CCTV camera ang rambulan ng 10 estudyante sa high school na nagkainitan umano sa Ilagan, Isabela.
Sa ulat ng GMA Regional TV One North Central Luzon, makikita sa CCTV na pinagtulungang gulpihin ng walong estudyante ang dalawang mga kapwa estudyante na kabilang sa isa pang grupo.
Makikita pa sa camera ang isang lalaki na binuhat ang signage para ihampas sa kanilang kaaway, pero lalo siyang pinagtulungan.
Isa namang estudyante ang nauntog sa salamin.
Walang mga guwardiya o tauhan ng Public Order and Safety Office sa lugar nang maganap ang insidente.
Wala nang naabutan ang mga awtoridad nang dumating sa lugar dahil nagpulasan umano kaagad ang mga estudyante matapos ang rambulan.--Jamil Santos/FRJ, GMA Integrated News
