Nakatakas ang apat na inmates mula sa istasyon ng pulis sa Bacolod City, ayon sa ulat ng Unang Balita nitong Martes.
Ayon sa Bacolod City Police Office, nilagare ng mga inmate ang rehas saka tumalon sa bakod sa likuran ng istasyon.
Tatlo sa mga tumakas, may kasong may kinalaman sa droga habang isa naman ang may kasong child abuse.
Iniimbestigahan pa kung paano naipasok ang lagare na ginamit ng mga suspek..
Mahaharap naman sa reklamong infidelity in the custody of the prisoner ang mga naka-duty na pulis.
Patuloy na tinutugis ang mga pugante. —KBK, GMA News
