Sa livestream ng launch ng kaniyang bagong coffee business na Good Drip noong Disyembre 15, 2024, pabirong sinabi ni David na “maghahanap ng bagong girlfriend.”
Sa kaniya namang latest post sa Instagram, ibinahagi ni David ang kaniyang larawan na nakasuot lamang ng itim na shirt at shorts.
"Chill lang," caption ng Pambansang Ginoo.
Sa Fast Talk segment ng Fast Talk with Boy Abunda noong Hunyo 2024, inihayag ni David na “taken” na ang estado ng kaniyang lovelife, ngunit hindi na pinangalanan kung sino ang bumihag sa kaniyang puso.
Sa naturang Fast Talk segment din, sumagot si David na 35 hanggang 36 ang ideal age para sa kaniya na magpakasal. Mas gusto rin niya ang “kissing” kaysa “cuddling.”
Samantala, "someone who is smart and understanding" ang kaniyang ideal woman.
Hindi naman maiwasan ng ilang netizens na mabanggit ni David matapos ianunsyo ni Barbie, na kaniyang love team partner, na hiwalay na ito kay Jak.
Matatandaang pumatok ang "Team BarDa" o tambalan nina David at Barbie, bilang sina Fidel at Klay sa 2022 historical portal fantasy series na "Maria Clara at Ibarra."
Nasundan pa ng proyekto ang Team BarDa ng remake ng pelikulang "Maging Sino Ka Man," at pelikulang "That Kind of Love."
—Jamil Santos/ VAL, GMA Integrated News
