Sinaksak hanggang mapatay ang isang babaeng graduating student sa Tabaco City, Albay, ayon sa ulat sa Unang Balita nitong Miyerkoles.
Nakasuot pa ng uniporme nang makita sa gilid ng kalsada ang bangkay ni Jackielyn Cellona. Itinuturing na suspek sa krimen ang kanyang boyfriend na si Ryan Carale.
Nasa kustodiya na ng pulis si Carale matapos siyang isuko ng kanyang pamilya.
Aminado naman daw si Carale sa kanyang nagawa.
Base sa imbestigasyon, selos ang motibo sa pagpatay. —KBK, GMA News
