Nagkagulo ang mga residente sa isang barangay sa Majayjay, Laguna nang mahagip ng isang papalikong SUV ang dalawang bata na edad lima at apat, habang naglalaro sa gilid ng kalsada.
Sa ulat ni John Consulta sa GMA News TV "Balitanghali" nitong Miyerkules, makikita sa CCTV sa Barangay San Maguel ang dalawang bata na naglalaro sa gilid ng daan nang bigla silang nabundol ng lumikong sasakyan.
Tila hindi rin alam ng driver ng SUV na may nadisgrasya siyang mga bata kaya nakagulo ang mga residente para saklolohan ang dalawang bata at habulin ang SUV.
Sa kasamaang palad, nasawi ang limang-taong-gulang na bata, at na
sugatan naman ang kalaro niyang apat na taong gulang.
Hindi nagbigay ng pahayag ang driver ng SUV pero idinahilan umano nito sa pulisya na hindi niya napansin ang dalawang bata sa gilid ng kalsada.--FRJ, GMA News
