Sa "Fast Talk with Boy Abunda" nitong Martes, ikinuwento ni Desiree ang kaniyang mga pagbabago mula nang maging isang ina.
"Before I was like, loud, I was 'O tara na!' I was like that eh. But now, noong naging mommy ako, especially noong naging girlfriend pa lang ni Boom, kasi I was getting older, maturity stepped in," anang aktres.
"Mas naging mellow ako. Tsaka I found out na, kasi before I was so impatient. Patience now is truly a virtue. Kasi talagang, wala eh, nag-step in na 'yung pagiging mommy ko, pagiging mother ko," sabi niya.
Bago pa magpakasal, nagkaroon na sila ni Boom ng mga masinsinang pag-uusap tungkol sa buhay may-asawa.
"Para kaming mag-best friend kasi, ever since. At saka we also laid out before we actually got serious and everything," aniya. "'So kung may problema tayo, mag-uusap tayo.'"
Dahil dito, hindi pa sila nag-away ni Boom.
"Never kaming nag-away. Can you believe it?" ani Desiree.
"Ang priority namin is hindi na 'I' eh. It's 'us,' it's 'we.' So whatever you do or whatever move you make, you think about the other person. He also told me sa vows namin when we got married na, 'ang turing ko na sa 'yo ay asawa,'" kuwento niya.
Inilarawan ni Desiree si Boom bilang "very sweet" at "mas vocal" sa kaniya.
"Sabi ko, 'This is it. This is the man of my dreams na talaga.' God is good, very good."
"Naalala ko lang kasi sobrang bait ng asawa ko, sobra. I'm lucky," emosyonal na sabi ni Desiree.
Ayon kay Desiree, taong 2012 nang maging in a relationship sila ni Boom, at 2018 naman nang ikasal sila.
Isinilang ni Desiree ang kaniyang anak na si Alexander Sebastian noong panahon ng pandemic, o noong 2021.—Jamil Santos/LDF, GMA Integrated News
