Inilahad ni Maris Racal na labis ang kaniyang kahihiyan matapos isiwalat ni Jamela Villanueva sa pamamagitan ng mga screenshot ang kaniyang mga mensahe kay Anthony Jennings.
Giit ni Maris, ang alam niya noo'y single si Anthony.
Matapos humingi ng tawad sa kaniyang pagkakamali, ikinuwento ni Maris noong mabasa na niya ang mga screenshot.
"When I read it, I was gutted, I was shocked," saad niya.
"I'm truly, truly embarrassed dahil nakita ng tao lahat ng 'yon without my consent, against my will," dagdag ni Maris.
"I read the screenshots over and over and over again. Ang pinaka na-shock ako roon, it was the perfect narrative."
"There was this other woman, there was this apologetic boyfriend and the avoidant boyfriend towards the other woman, and the scorned woman. That's the narrative. That's her side of the story and there's nothing wrong with that," saad ni Maris.
Doon niya napagtanto kung bakit hindi makapaglabas ng pahayag si Anthony, bagay na matagal na niyang hinihingi sa aktor.
"Those screenshots, doon ko napagtagpi-tagpi ang lahat—na kaya pala hindi siya makapag-release ng statement, dahil sila pa pala this whole entire time."
"I didn't know. I was in the dark. I didn't know. I had no idea. God knows ilang beses akong nagtanong. Ilang beses akong nanghingi ng statement," ani Maris, na naunawaan na rin daw kung bakit ganoon na lamang ang reaksyon ni Jamela sa kaniyang IG stories.
"Now I get her. I get her pain, I get her wrath, I get her anger. Kaya pala gano'n. She was clueless about everything. I was clueless about everything. We both believed kung ano man ang sinabi sa amin. Maybe iba ang sinabi sa kaniya and I can attest na iba 'yung sinasabi sa akin. That's my side of the story."
Sinabi ni Maris na marami pa sana siyang sasabihin.
"Hindi ako makapaniwalang mapapahiya pala ako nang ganito sa buhay ko."
"So to the public. I'm sorry that you got to see that very intimate side of me. Gano'n talaga ako 'pag nagbigay ng pagmamahal. It was supposed to be private."
"It was supposed to be a private, intimate thing," sabi niya.
Matatandaang naging mainit na pinag-usapan sina Maris at Anthony matapos isiwalat ni Jamela ang kanilang mga usapan.
Inanunsyo ni Anthony ang hiwalayan nila ni Jamela nito ring linggo, at humiling sa fans na huwag idamay si Maris sa isyu.
Pumatok ang tandem nina Maris at Anthony bilang sina Irene at Snoop sa series na "Can't Buy Me Love."
Bahagi rin sila ng Metro Manila Film Festival entry na "And the Breadwinner Is..." na pinagbibidahan ni Vice Ganda. — VDV, GMA Integrated News
