Malungkot na ibinahagi ni Charee Pineda na pagkawala ng kaniyang ipinagbubuntis na ikalawa sana nilang anak ni Martell Soledad.
Sa Instagram, nag-post ang actress-politician tungkol sa pagtigil ng tibok ng puso ng baby sa kaniyang sinapupunan.
"At 22 weeks and 1 day, our baby's heart stopped beating," saad ni Charee. "Our hearts were shattered but it surely made our faith stronger."
May mensahe din si Charee para sana sa kaniyang baby na isang babae na tinawag niyang "Christiana."
"We may not know why it had to happen but we trust that the Lord has better plans and all we can do is to let go and surrender. I know in my heart we will see you again, my love," saad niya.
"For now, enjoy your time in heaven along with all the angels. We love you so much our baby, Christiana. We can't wait to have you back in our arms in His time," patuloy ni Charee.
Sa comment section, nagpaabot ng pakikidalamhati ang kaniyang followers, pati na ang mga kapuwa celebrities.
Taong 2020 nang ikasal si Charee kay Martell, at mayroon na silang isang anak na lalaki.
Dating punong barangay at naging konsehal si Charee sa Valenzuela City.
Napanood siya sa ilang Kapuso shows tulad ng "Bubble Gang," "Impostora," "The Rich Man's Daughter," at "Mulawin vs. Ravena." —FRJ, GMA Integrated News
