Inihayag ni Annabelle Rama ang suporta at pagmamahal sa kaniyang manugang na babae na si Alexa na nakikipaglaban sa sakit na leukemia.

Sa Instagram post, humingi ng paumanhin si Annabelle kung hindi agad nakapagkomento tungkol sa kalusugan ni Alexa dahil masyado umano siyang naapektuhan.

"Hindi pa rin ako makapaniwala," saad niya.

"Alam kong gagaling ka," sabi ni Annabelle na aminadong hindi niya naiwasang maiyak nang malaman niya ang sakit ni Alexa na itinuring niyang tunay na anak.

"I love you Alexa! Don't worry nakalbo ka. Para sa akin, ikaw ang pinakamagandang kalbo," sabi pa ni Annabelle.

Si Alexa ay asawa ni Elvis, na anak nina Annabelle at Eddie Gutierrez. Mayroon silang dalawang anak.

Nitong Miyerkules, nag-post siya sa Instagram ng ilang larawan na kasama si Annabelle kung saan inihayag niya na ang pagiging emosyonal "seeing all my hair fall in chunks."

"I was getting mad and wanted to change my emotions quickly. We went for it and decided time for the new look. I feel much happier that we did it. Still a bit messy on top since it was spur of the moment thing," sabi ni Alexa.

"Always wanted to try this hairstyle but never had the guts. Now I’m liberated," dagdag niya.

Nitong unang bahagi ng Enero nang ipaalam ni Alexa sa social media na mayroon siyang leukemia.

Nag-post din si Ruffa Gutierrez ng tungkol sa kalusugan ni Alexa ay hiniling sa kaniyang sa mga followers na "storm the heavens and pray for Alexa's complete healing."

"Lex, you are such a positive, courageous, beautiful and strong human being! I know you can beat this. God has a great plan for you. We love you and will walk with you through every step of this journey. Continue to be in high spirits. You’re not alone," ani Ruffa.

Ayon sa Mayo Clinic, "Leukemia is cancer of the body's blood-forming tissues, including the bone marrow and the lymphatic system." — FRJ, GMA Integrated News