Sugatan ang isang lalaking spa therapist matapos siyang barilin nang malapitan sa ulo ng hindi pa matukoy na salarin sa Santa Rosa, Laguna.
Sa ulat ng Unang Balita nitong Martes, mapanonood ang paglalakad ng biktima kasama ang kaniyang nobya sa Barangay Balibago.
Makikita ang isang lalaking nakasuot ng face mask na nakasunod sa kanila.
Ilang saglit lang, bumunot ng baril ang lalaki bago malapitang binaril sa ulo ang biktima.
Muling inasinta ng gunman ang biktima bago ito tumakbo patungo sa motorsiklo ng kaniyang kasama at tumakas.
Sugatan ang biktima, na agad itinakbo sa ospital.
Patuloy ang pagtugis ng kapulisan sa dalawang salarin. — Jamil Santos/RSJ, GMA Integrated News
