Inanunsyo ni Gabby Concepcion na magiging bahagi ng reunion concert nila ni Sharon Cuneta na “Dear Heart” ang kanilang anak na si KC Concepcion.
“I’d like to see the three of us sing. It’s an emotional time for all of us. So ‘pag nangyari ‘yon, it would be very meaningful not only for the audience but for us,” sabi ni Gabby sa ulat ng GMA News "Saksi."
Dagdag ni Gabby, ibibigay nila ang kanilang makakaya para kantahin ang iba’t ibang theme song ng kanilang mga pelikula sa nalalapit nilang concert sa Oktubre 27.
Bukod dito, abala rin si Gabby sa paghahanda para sa upcoming series nila ni Marian Rivera na “Against All Odds.”
Naghahanda rin si Gabby para sa nalalapit na pagpapalabas ng kaniyang bagong series sa GMA Afternoon Prime na “Stolen Life.” --Jamil Santos/FRJ, GMA Integrated News
