May mensahe si Michelle Dee sa kaniyang bashers at mga hindi naniniwalang deserve niya ang korona matapos manalo bilang Miss Universe Philippines 2023 nitong weekend.
Sa “Fast Talk with Boy Abunda” nitong Martes, binanggit ni Tito Boy ang ilang kritisismo na nanalo si Michelle dahil isa sa judges ang GMA boss na si Atty. Annette Gozon-Valdes at Sam Verzosa, na kaibigan ni Rhian Ramos.
Bukod dito, pinagsasabong din umano ng ilang tao sina Michelle at Krishnah Gravidez, pambato ng Baguio, at Pauline Amelinckx, pambato ng Bohol.
“Honestly I just wish people realize we are sisters in pageantry. We have been, especially me and Pauline, we spent the whole year together ‘cause we were both in the same reigning queen batch,” ayon kay Michelle.
Para kay Michelle, hindi na maiiwasan na may tumutol sa mga resulta ng pageant nitong weekend, pero hinikayat niyang maging mabuti at magpakita ng pagmamahal sa pagbibigay ng kanilang mga opinyon.
“It’s honestly, inevitable, because fans come in there supporting their bets, they come there thinking that their rage, their anger can change results, but it can’t. So if ever we’re in a position to make changes like that, let’s just choose to be kind and spread love. That’s what I always tell my fans, and that’s what they try to… be kind and always spread love,” sabi ni Michelle.
Kinoronahan si Michelle ni Miss Universe Philippines 2022 Celeste Cortesi sa SM Mall of Asia Arena nitong Sabado.
Wagi rin si Michelle bilang Best in Evening Gown.
First runner-up si Christine Opiaza ng Zambales, habang 2nd Runner-Up si Angelique Manto ng Pampanga. -- FRJ, GMA Integrated News
