Natuwa at kinilig si Bea Alonzo sa mala-twinning moments nila ni Bae Suzy, dahil sa recreation ng “Start-Up PH” ng ilang look ni Suzy sa Korean version ng series.
Sa ulat ng “Saksi,” sinabing kasama sa mga ni-recreate na look ang iconic na eksena sa networking party ng Sandbox PH.
Labis naman ang tuwa ni Bea dahil sa positive feedback ng viewers.
Malaking bagay aniya ito dahil hamon sa kaniya ang pagganap sa adaptation ng hit Korean series.
“Most of them are fans of ‘Start-Up Korea,’ that they did not get disappointed and that happy sila sa output ng Philippine version of ‘Start-Up.’ I’m very thankful with the reception. Ang ganda ng reviews, I'm very happy with the ratings. I’m very happy with everything that has been happening," sabi ni Bea. — Jamil Santos/VBL, GMA News
