GMA Chairman & CEO Felipe Gozon, Johnny Manahan at Heart Evangelista, pasok sa 100 Most Powerful People in the Philippines ng Esquire

Kabilang sina GMA Chairman & CEO Felipe Gozon, Johnny Manahan at Heart Evangelista, sa 100 Most Powerful People in the Philippines ng Esquire.

Sa ulat ng Unang Balita nitong Martes, sinabing pasok sa Titans of Industry, Media, Academia si Atty. Gozon.

Nagsisilbing "driving force" ang pamumuno ni Atty. Gozon para maging "profitable media giant" ang Kapuso Network.

Nasa Wielders of Soft Power category naman ang consultant ng Sparkle GMA Artist na si Mr. Manahan o Mr. M.

Kabilang din sa listahan si Heart, na tinawag ng Esquire bilang "global figure" at "leading social media personality."  — Jamil Santos/VBL, GMA News