Ipinost ng Kapuso actress-host na si Pokwang sa Instagram ang video ng ipinapagawa niyang summer house sa Bataan.
Sa caption, labis ang pasasalamat ni Pokwang na natuloy na ang pagpapagawa ng naturang bahay.
"Thank you papa God sakabila ng naantalang pagpapatayo dahil sa pandemic at kawalan ng sapat na raket para mapatapos ka, lumaban ako at nagpursige para sa pangarap ko sa mga mahal ko," saad niya sa post.
Itutuloy daw ni Pokwang ang kuwento tungkol sa bago niyang achievement sa vlog.
Ayon sa post ni Pokwang, ang naturang summer house ay para sa kaniyang mga anak na sina Mae at Malia.
Sa video, mapapansin na tila mayroong tatlong palapag ang summer house na malapit at tanaw na beach. Mayroon din itong swimming pool at balkonahe o open space sa itaas. --FRJ, GMA News
