Inilahad ni Ashley Ortega na marami siyang ginawang pagbabago sa sarili para sa kaniyang classy at elegant role sa upcoming Telebabad series na "Widows' Web," katulad ng pagbabawas ng timbang.

"It's one of the most mature roles I've done. Actually ito na siguro ang pinaka-mature role na nagawa ko. And 'yung mga kasama kong actors talagang veterans," sabi ni Ashley sa Mornings with GMA Regional TV.

"Nandoon 'yung pressure but then ito naman 'yung gusto ko ring i-challenge 'yung sarili ko for me to grow as an artist," dagdag ni Ashley.

Ang "Widows' Web" ay tungkol sa misteryosong pagkamatay ni Alexander Sagrado III, o AS3. Dahil dito, magsasagawa ng undercover investigation si Elaine Innocencio, dating empleyado sa isang hotel, dahil naniniwala siyang mali ang pagkakabintang sa kaniyang fiancé na si Frank Querubin.

Gaganap si Ashley bilang si Jackie Antonio-Sagrado, asawa ni Alexander.

"My character I have to put so much effort in it to create the classy and elegant character of Jackie Sagrado. Physically I have to lose weight for this character para maging mature 'yung hitsura ko. The way I dress, my posture, how I modulate my voice, even my look, talagang pinag-isipan 'yung peg nila," pagbabahagi ni Ashley.

"It was so consistent. Hanggang sa end kailangan ganoon 'yung look ko. You have to put a little more makeup on my face para magmukhang mature. 'Yung hair ko, my extensions, kasi ayaw ni direk ng flat," dagdag pa niya.

Unang pagkakataon din daw ni Ashley sa isang show na gumamit ng nail extensions.

Ayon pa kay Ashley, nasanay na siyang iwan ang kaniyang mga emosyon pagkatapos ng mabibigat na eksena.

"Once naman natapos si direk, I make sure na I have to shake it off, ayoko siyang dalhin kasi ma-stress pa ako, marami pa akong eksenang gagawin kaya kailangan kong mag-move on at mag-let go. Natutunan ko na siguro 'yun and I got used to it."

Mailalarawan ni Ashley ang karakter niyang si Jackie bilang isang sopistikada at independent woman.

Kabilang din sa "Widows' Web" sina Carmina Villaroen, Pauline Mendoza, Vaness del Moral, Adrian Alandy, EA Guzman, Christian Vasquez, Allan Paule, Tanya Gomez, Arthur Solinap, at si Ryan Eigenmann, na special guest bilang si Alexander Sagrado III.

Mapapanood ang "Widows' Web" ngayong Pebrero sa GMA Telebabad. --FRJ, GMA News