May first dose na ng COVID-19 ang panganay na anak nina Marian Rivera at Dingdong Dantes na si Zia.
Sa Facebook post nitong Miyerkules, ibinahagi ni Marian ang larawan ng anim na taong gulang na si Zia habang kandong ni Dingdong sa sasakyan.
Makikita pang naka-thumbs up si Zia at may band-aid sa kaniyang braso na palatandaan ng pagbakuna.
"Ate Zia received her 1st dose of Covid-19 vaccine. Good job Ate Z!," saad ni Marian sa caption.
Kamakailan lang, nag-post din ng larawan ang celebrity couple na sina Judy Ann Santos at Ryan Agoncillo nang pabakunahan nila ang mga anak na sina Lucho at Luna.
Nito lang Lunes sinimulan ng pamahalaan ang pagbabakuna kontra-COVID-19 para sa mga batang edad lima hanggang 11.
Tiniyak ng Department of Health na ligtas sa mga bata ang naturang bakuna.— FRJ, GMA News
