Ipinasulyap ni Rocco Nacino ang advance Valentine's Day at anniversary celebration nila ng asawa niyang si Melissa Gohing.
Sa kaniyang Instagram, na mapapanood din sa Unang Balita nitong Miyerkoles, pinost ni Rocco ang highlights ng beach adventure nila ni Melissa sa Batangas.
Present sa kanilang beach getaway ang isang surprise romantic dinner na inihanda ni Rocco para kay Melissa.
Kasama rin nila ang kanilang cute at adorable na fur babies, na nag-enjoy at nakapag-relax din sa kanilang instant vacation.
Ikinasal sina Rocco at Melissa noong Enero 21, 2021, na ginanap sa isang naval warship. — Jamil Santos/VBL, GMA News
