Ipinasulyap ni Dingdong Dantes ang isang behind the scene na panayam ni Marian Rivera kay Beatrice Luigi Gomez.
Sa Instagram stories ni Dingdong, na makikita rin sa Unang Balita nitong Martes, nag-post ang aktor ng interview ng kaniyang asawa sa Miss Universe Philippines.
Samantala, ipinakita naman ni Marian ang kaniyang pagiging proud kay Beatrice, na nakapasok sa Top 5 ng 70th Miss Universe pageant.
Sa isang video na pinost ni Marian sa kaniyang Facebook page, makikita na nakipagkamayan siya sa beauty queen.
“Proud tayo, ‘di ba?” sigaw ni Marian sa crowd habang itinuturo niya si Bea.
Isa si Marian sa mga miyembro ng selection committee ng patimpalak.
Wagi si Harnaaz Sandhu ng India bilang Miss Universe 2021 sa final night ng pageant na ginanap sa Eilat, Israel nitong Lunes. — Jamil Santos/VBL, GMA News
