Aminado si Cassy Legaspi na nanibago siya sa kaniyang shampoo commercial dahil sa unang pagkakataon ay solo lang siya at hindi kasama ang kaniyang pamilya.
"Honestly, it humbles me, because it teaches me to count my blessings and to take every project as if it's a really, really big deal, and I'm super thankful for that," sabi ni Cassy sa Kapuso Showbiz News.
"Instead of letting it feed my ego, I let it humble me na 'Okay, you're very blessed. So since you're very blessed, let's learn to give. Kaya po nagpa-give away ako after my commercial came out,'" dagdag ng Kapuso actress.
Hindi na raw nakararamdam ng pressure si Cassy sa paggawa ng commercial dahil ginagawa niya na ito mula pa pagkabata, kasama ang kaniyang mga magulang na sina Carmina Villarroel at Zoren Legaspi, at ang kakambal na si Mavy.
"I grew up doing commercials already so it's kind of like my second nature. I've been doing commercials since I was three years old. It's kind of like going to school, it's just normal," saad niya.
Ngayong may solo commercial na, sinabi ni Cassy na naninibago siya na hindi niya kasama ang kaniyang pamilya.
"But then this recent shoot was really different because wala 'yung family ko or kahit 'yung kapatid ko wala, it was just me on my own. So it was kind of weird na ako lang ang nagko-commercial. It was like 'Oh, interesting, I'm on my own,'" sabi ni Cassy.
"I was a little bit nervous but at the same time my family was texting me that day saying 'Relax ka lang, we're so proud of you. Just be yourself. Have fun.' So I got the encouragement I needed," dagdag ng young star.
Kaya kahit na pagod, nangibabaw naman ang excitement kay Cassy sa pag-shoot niya sa kaniyang commercial.
Bukod sa telebisyon, napapanood din ang Legaspi family sa mga commercial, tulad ng ice cream at fast food restaurant.--FRJ, GMA News
