"It was all worth it" para kina Barbie Forteza at Jak Roberto matapos nilang makumpleto na ang doses ng kanilang COVID-19 vaccine, sa kabila ng matinding pag-ulan na sinabayan pa ng lindol nitong Sabado.
Sa Instagram, inilahad ni Barbie na maaga na silang pumila ni Jak para sa kanilang second dose.
Pero nagkaroon ng abala nang bagsakan sila ng ulan dahil sa Habagat, habang nasa pila.
Madaling araw din nang magkaroon ng magnitude 6.6 na lindol sa Calatagan, Batangas 4:48 ng umaga.
"After driving through floods in the middle of the night, braving the storm, hoping for the earthquake to stop while waiting for the vaccination venue to open & standing in the rain until we were able to get seats inside," caption ni Barbie.
"In the end, it was all worth it," saad pa niya.
"We have completed the two doses of COVID-19 vaccine," paglalahad ng aktres.
Tinanggap na rin si Alden Richards ang kaniyang COVID-19 vaccine nitong Sabado.
Hinikayat ni Asia's Multimedia Star ang publiko na magpabakuna para maprotektahan ang kanilang mga mahal sa buhay at iba pang tao laban sa COVID-19.
"Vaccinated! ???? By choosing to be vaccinated, I can protect not only myself and my family, but also my community," sabi ni Alden.
"Tulong tulong po tayo. ???????? Please take the vaccine made available to you when given the chance so that we can reach herd immunity — which will act as a barrier for everyone against the virus," paghikayat ni Alden.
—LBG, GMA News
