Ikinuwento nina Kyline Alcantara at Mavy Legaspi kung paano nagsimula ang kanilang pagiging close sa isa't isa, at ang tao na naging daan nito.
"Well, it's because of Cassandra. Si Cassy talaga 'yung una kong naging close and then of course eventually si Mavy. Lagi kaming lumalabas, well, that was pre-pandemic," pagbabahagi ni Kyline sa "Hangout."
"Lagi kaming lumalabas kapag after rehearsals, after work, and kahit wala naman sa work," dagdag ni Kyline.
Kuwento naman ni Mavy, naging mabuting kaibigan nila ng kapatid niyang si Cassy sina Kyline at Migo Adecer.
"Almost the same as Ky pero kasi si Cassy and Ky close sila, they were the first ones to be close tsaka kami ni Migo 'yung close. Naging grupo kami in Studio 7, naging close kami doon," sabi ni Mavy.
"Lumalabas kami with friends and all that. Basta we became close," dagdag ni Mavy.
Matatandaang inihayag ni Mavy na si Kyline ang kaniyang "mystery girl" nang ibahagi niya ang isang eksena sa bagong music video ni Darren Espanto kung saan makikitang nakangiti si Kyline.
"Congrats on the [music video]. For real, super proud of [you]. You know the rest man," pagbati ni Mavy kay Kyline.
Magtatambal sina Mavy at Kyline para sa "I Left My Heart in Sorsogon." —LBG, GMA News
