Inilahad ni Beauty Gonzalez sa panayam ng GMA News "Unang Hirit," na mahilig siyang mag-obserba sa mga tao sa kaniyang paligid dahil nakatutulong ito upang mapahusay ang kaniyang pagganap sa proyekto.
"I love observing people. Gustong-gusto kong umupo sa cafe lang na naka-disguise ako and just observing people how they live their lives or experiences, how they talk about their lives," sabi ng bagong Kapuso.
"It is just mostly observing, that's how I learned," dagdag ni Beauty.
Ibinahagi rin ni Beauty ang kaniyang beauty secrets sa pagiging fit at sexy.
"Exercise and just have enough sleep. As you get older, importante talaga you feel lighter about yourself. 'Yung light ka so you can do a lot of stuff. And diet. With this pandemic talaga you have to start eating healthy," anang aktres.
Pagdating naman sa pagiging isang ina, sinabi ni Beauty na mahalaga na inaalagaan din niya ang kaniyang sarili.
"I try to be a cool mom, but sometimes lumalabas din 'yung pagka-Bisaya ko na 'Ay bakit ganito?' 'Bakit ganiyan?' I just live my life... and it's important kasi as a mom, hindi mo lahat ibibigay sa anak mo, dapat you do something for yourself also so that you can give love to the people that you love," ani Beauty.
"I guess that helps me to be a cool mom because I get to do what I like and nakikita niya na nae-enjoy ko and gagawin na rin niya sabay sa akin," dagdag niya.
Opisyal nang Kapuso si Beauty matapos siyang pumirma ng kontrata sa GMA Network nitong Hunyo.--FRJ, GMA News
