Miss Manila Alex Abdon, bagong co-host na nga ba ng 'TBATS'?

Naging emosyonal si Miss Manila Alexandra Abdon nang sorpresahin siya nina Boobay at Tekla na magiging co-host na siya ng "TBATS" o "The Boobay And Tekla Show." Pero may isa pa palang sorpresang inihanda sa kaniya ang dalawa.

Sinabi nina Boobay at Tekla kay Alex na nakitaan ng potensiyal at humanga sa kaniya ang mga nasa likod ng "TBATS" dahil sa pagiging matatag ng beauty queen na hindi nagpatinag sa mga ginagawang pamba-bash sa kaniya.

Kaya naman mula sa pagiging miyembro ng "mema squad" ng "TBATS," gagawin na daw co-host na talaga ng show si Alex, na tamang-tama raw dahil magiging "The Boobay, Alex and Tekla Show" na ang meaning ng "TBATS."

Pero nang magpapasalamat na si Alex sa ibinigay sa kaniyang oportunidad, may isa pang "sorpresang" binitiwan sina Booboy at Tekla para kay Alex. Alamin sa video kung ano ito. Panoorin.