Sa kauna-unahang pagkakataon, humarap sa interview sina Ellen Adarna at Derek Ramsay matapos kumpirmahin ang kanilang relasyon. Ikinuwento rin ng aktres ang naging reaksiyon niya nang makita niya nang personal sa unang pagkakataon ang aktor.
Sa Chika Minute report ni Nelson Canlas sa GMA News "24 Oras" nitong Huwebes, binalikan nina Ellen at Derek kung paano sila nagkakilala at nagkita nang personal.
"I just met him in person [last] January, hindi ko pa siya na-meet before, never pa kaming nagkita in person. When I see his picture, hindi naman sa pangit, guwapo but okay, 'yun lang. And then when I saw him in person, my jaw dropped," sabi ni Ellen.
Ayon kina Ellen at Derek, hindi importante ang ikli ng kanilang pinagsasamahan, kung hindi ang nararamdaman nila para sa isa't isa.
Matatandaang parehong may pinagdaanan sa mga dati nilang karelasyon sina Ellen at Derek, at nalampasan nila ito at naging sandalan ang isat isa.
"I'm super at peace, we're both alphas, super alphas. Very strong personalities, but when we're together, it's calm," sabi ni Derek.
Pero naging seryoso ang usapan nang matalakay ang kanilang mga ex: si John Lloyd Cruz kay Ellen, at si Andrea Torres kay Derek.
"We talk, we talk about Elias. I don't know about his personal affairs. It's just me when I talk to him, it's about our son. He's a good father," sabi ni Ellen tungkol kay John Lloyd.
Si Derek naman, "You know me. I don't have any ill feelings towards any of my exes. It's sad that we haven't really spoken since the breakup. In all honesty, I have no regrets about whatever happened between Andrea and I. There was no third party, nobody intentionally tried to hurt anyone. There was just, I guess, differences between the both of us that we couldn't handle."
Marami at mahaba raw ang kanilang mga usapan araw-araw, mula sa mga pinakamaliliit hanggang sa mga seryosong usapin.
"Actually I haven't talked about the future with him because before, I think I've been very vocal about it na ayoko talagang magpakasal. I want a kid, a baby, I can't imagine myself getting married," sabi ni Ellen.
"We talk about it. Yeah, we talk about it," dagdag ni Ellen tungkol sa kasal.
"Sobrang kumportable kaming makipag-usap sa mga bagay na we would definitely make a stance in the past," sabi ni Derek.
"Like when I hear that word (marriage) I'm gonna walk away na, iwan ko na, ayoko na," hirit naman ni Ellen.
Ayon naman kay Derek, "'Di ba may reputation ako na ayoko magpakasal dahil ako 'yung lalaki, and I've always been vocal na no, I want to, I'm just not rushing it kasi I want to find the right person and talking about the future and talking about the M word seems so natural. Like I have no fear."
Natanong ang couple tungkol sa mga lumalabas na issue ng kasalan.
"I never tap out, but this one, tap out muna tayo... The word is natural, and we want to be as natural as can be but I would be lying to you, to myself and to everyone if I didn't say that she's the girl that I wanna spend the rest of my life with," sabi ni Derek.--Jamil Santos/FRJ, GMA News
