Dahil nagsimula nang uminit ang panahon na tanda ng summer season, ilang celebrities ang maagang nag-summer getaway. Alamin kung saan ang kanilang naging destinasyon.
Ang Kapuso couple na sina Mikael Daez at Megan Young, sa El Nido, Palawan ang nagpunta kung saan hitik sa dami ng magagandang view.
Si Gabbi Garcia at ang kaniyang pamilya, sa Bohol naman namasyal at hindi nila pinalampas na mapuntahan ang sikat na Chocolate Hills.
Dito nakita ni Gabbi kung gaano naapektuhan ng pandemic ang local tourism industry. Kaya panawagan niya sa kaniyang followers.
"Sana masuportahan natin yung local tourism natin," saad niya.
Sa Baguio naman nagtungo sina Bossing Vic Sotto at Pauleen Luna kasama ang pamilya para mag-bonding, pati na ang mga chikiting.
Ang bagong kasal na sina Rocco Nacino at Melissa Gohing, sa boracay nagpunta para mag-honeymoon na rin. --FRJ, GMA News
