Pumanaw na si Royette Padilla, nakapiling pa noong Pasko ang ina na gumaling sa karamdaman

Pumanaw na ang kapatid nina Robin at BB Gandanghari na si Royette Padilla sa edad na 58.

Ito ang inanunsyo ng kanilang kapatid na si Rebecca Padilla nitong Sabado sa Facebook.

Pakiusap ni Rebecca: “Please whisper a prayer for our brother Royette Padilla. A silent prayer for his eternal peace, please.”

Sa kanyang huling public post, ibinahagi ni Royette na nakasama pa niya noong nakaraang Pasko ang kanilang inang si Mama Eva Cariño, na kagagaling lang sa karamdaman.

“This is my happiest Christmas because the most wonderful mom mamaeva in the world has fully recovered from her illness and beautiful again as ever! Merry Christmas everyone and to all your loved ones and specially to all my friends here in FB,” caption ni Royette. 

Ang nasabing Facebook post ay hindi na nakabukas sa publiko simula Sabado ng gabi. 

Sa ulat naman ng PEP.ph, inilahad na heart attack ang ikinamatay ni Royette.

Naging aktor din si Royette, at kontrobersiyal noong 1990s nang sabihin niyang may katungkulan siya bilang “brigadier general” ng grupong H-World United Nations Philippine Military Government International Police Commission. – Jamil Santos/RC, GMA News