Walang mapalad na mananaya ang tumama sa Ultra Lotto 6/58 draw nitong Martes, Hunyo 6, 2023, na umabot na sa mahigit P213 milyon ang premyo. Gayunman, may 13 mananaya ang masuwerteng nakakuha ng second prize.
Sa website ng Philippine Charity Sweepstakes Office (PCSO), nakasaad na zero winner sa 6/58 draw na ang lumabas na mga numero ay 08-30-14-09-54-39.
Pumapalo na ang premyo nito sa P213,655,359.60, na huling tinamaan noong Marso 12, 2023.
Sa Facebook page ng PCSO, nakasaad na may 13 mananaya ang nanalo ng second prize na P120,000.00 ang premyo.
Binobola ang Ultra Lotto 6/58 tuwing Linggo, Martes, at Biyernes.
Samantala, wala ring tumama sa kasabay nitong Superlotto 6/49 draw, na ang lumabas na mga numero ay 44-35-43-11-18-14, at may premyong P15,840,000.00.
Zero winner din sa isa pang draw na Lotto 6/42, na ang lumabas na mga numero ay 24-30-25-03-15-04, at P5,940,000.00 ang premyo.
Malaki na rin ang premyo sa 6D Lotto na mahigit P2 milyon pero wala ring nakahula sa lumabas na mga numero na 7-5-7-7-7-1.--FRJ, GMA Integrated News
