Rep. Ralph Recto, hinirang na isa mga Deputy Speaker sa Kamara

Inihalal ng mga kapuwa kongresista si dating senador, at ngayo'y Batangas Representative Ralph Recto, bilang isa sa mga Deputy Speaker sa Kamara de Representantes. Kasabay nito, inihalal din ang mga kongresista na mamumuno sa iba't ibang komite sa kapulungan.

Isinagawa ang paghalal kay Recto bilang deputy speaker nitong Miyerkules, matapos na makapanumpa si Las Piñas Rep. Camille Villar, bilang isa rin sa mga deputy speakers ng kapulungan.

Ito ang ikalawang pagkakataon na nahirang si Villar ang naturang posisyon na hinawakan din niya nitong nagdaang Kongreso.

Matapos ng botohan sa plenaryo at maihalal na deputy speaker, nanumpa rin si Recto sa harap ni Speaker Martin Romualdez ng Leyte.

Kasama ni Recto ang kaniyang kabiyak na aktres na si dating Batangas Rep. Vilma Santos, at ang anak nilang si Ryan Christian.

Samantala, inanunsyo rin sa kapulungan ang mga mambabatas na napiling mamuno sa iba't ibang komite ngayong 19th Congress.

Isinagawa rin ang paghalal sa kanila sa plenaryo nitong Miyerkules na kinabibilangan nina:

Rep. Robert Ace Barbers — Dangerous Drugs Committee
Rep. Dan Fernandez — Public Order and Safety
Rep. Rex Gatchalian — Local Government
Rep. Wilfrido Mark Enverga — Agriculture and Food
Rep. Alfredo Marañob III —Aquaculture and Fisheries Resources
Rep. Nicanor Briones — Cooperatives Development
Rep. Christopher De Venecia — Creative Industry and Performing Arts
Rep. Alan Ecleo — Disaster Resilience
Rep. Princess Rihan Sakaluran — East ASEAN Growth Area
Rep. Felimon Espares — Ethics
Rep. Antonio Ferrer — Games and Amusement
Rep. Alfred delos Santos — Globalization and WTO
Rep. Edwin Olivarez — Government Enterprises and Privatization
Rep. Francisco Benitez — Housing and Urban Development
Rep. Glona Labadlabad — Inter-parliamentary Relations and Diplomacy
Rep. Juan Fidel Felipe Nograles — Labor and Employment
Rep. Gus Tambunting — Legislative Franchises
Rep. Rolando Valeriano — Metro Manila Development
Rep. Christian Unabia — Micro, Small, and Medium Enterprise Development
Rep. Rona Salo --- Overseas Workers Affairs
Rep. Joseph Stephen Paduano — Public Accounts
Rep. Wilton Kho — Rural Development
Rep. Ruth Mariano-Hernandez — Southern Tagalog Development
Rep. Romeo Acop — Transportation