Jackpot prize sa Grand Lotto 6/55, malapit nang umabot sa P200-M

Malapit nang umabot sa P200 milyon ang premyo sa Grand Lotto 6/55 sa isinagawang draw nitong Lunes ng gabi, June 13, 2022.

Pero sa website ng Philippine Charity Sweepstakes Office (PCSO), nakasaad na wala pa ring nakatama sa winning number combination na lumabas na 01-09-50-14-37-17.

Mayroon itong kabuuang papremyo na P194,719,453.60.

Sa Miyerkules, June 15, ang susunod na bola ng Grand Lotto 6/55, at inaasahan na higit P200 milyon na ang maging jackpot prize nito.

Samantala, wala rin tumama sa kasabay na draw nitong Lunes na Megalotto 6/45, na ang lumabas na may numero ay 22-18-14-41-32-02.

Mayroon itong kabuuang papremyo na P88,734,717.20.--FRJ, GMA News