Arestado ang isang lalaki sa Maynila dahil sa pang-aabuso umano sa 13-anyos niyang pinsan, ayon sa ulat ni Jonathan Andal sa Unang Balita.
Ayon sa ulat, hindi na pumalag ang suspek nang silbihan siya ng warrant of arrest ng Sta. Mesa Police nitong Huwebes, November 18, 2021.
Kagagaling lang daw ng suspek sa arraignment kaya alam niyang pinaaaresto siya ng korte para sa kasong rape at child abuse.
Ikinuwento ng biktima sa pulisya na limang beses na siyang minolestya ng kanyang pinsan.
Giit ng akusado, hindi totoo ang paratang sa kanya ng biktima at umano’y galit lamang ang mga ito sa kanyang pamilya. —Sherylin Untalan/LBG, GMA News
