Nakuhanan ng shabu ang dalawang lalaking inaresto sa Quezon City dahil sa hindi pagsusuot ng face mask, ayon sa ulat ni James Agustin sa Unang Balita nitong Biyernes.
Nakatago sa underwear ng isa sa mga suspek ang iligal na droga na nakalagay sa maliit na plastic. Nakuha ito matapos siLang kapkapan ng mga tauhan ng Barangay Old Balara na umaresto sa kaniya.
Sa kabuuan, apat na sachet ng shabu na nagkakahalaga ng mahigit P10,000 ang nakuha sa mga suspek na kinilalang sina Sonny Navia at Joey Ansua. Aminado ang dalawa na sa kanila ang droga.
Nai-turn over na sa pulis ang dalawang suspek, na dati na raw nakulong dahil sa pagsusugal. —KBK, GMA News
