Bistado ang isang drug suspect sa Mandaluyong matapos siyang sitahin ng mga pulis dahil sa hindi pagsusuot ng face mask, ayon sa ulat ni Bam Alegre sa Unang Balita nitong Miyerkoles.
Bigla raw kasi tumakbo ang suspek na si Genaro Ledesma nang sitahin siya ng mga pulis.
Nang mahabol, nakumpiska sa kaniya ang isang hindi lisensiyadong baril at hinihinalang shabu na may street value na mahigit P10,000.
Itinanggi naman ni Ledesma na may nagawa siyang violation at sinabing baka may kaugnayan ang pag-aresto sa kaniya sa away niya sa isang barangay official na naangasan daw sa kaniya. —KBK, GMA News
