Tinangay ng baha ang pitong bahay sa Isla Puting Bato sa Maynila sa kasagsagan ng malalakas na ulan dala ng Habagat umaga nitong Sabado.
Sa ulat ng News TV Live, sinabing tinangay ng malakas na agos ng tubig ang pitong bahay sa Barangay 20 ng lungsod sa gitna ng masamang panahon.
Aabot naman sa 22 pamilya ang nawalan ng tirahan, ayon sa Manila Risk Reduction and Management Office.
Pinalikas ang mga nawalan ng tahanan sa Delpan Evacuation Center, at nakatakda naman umanong magbigay ng tulong ang Manila Deparment of Social Welfare sa mga nasalanta, ayon sa ulat. —LBG, GMA News
