Pansamantalang nabulag si Private First Class Allan Benbinuto ng 15th Scout Ranger Company, Scout Ranger Battalion at nang makakitang muli ay bumalik sa bakbakan sa Marawi City.
Tinamaan ng shrapnel ng improvised explosive device si PFC Benbinuto. Siya ay nabulag at muling nakakita matapos magamot.
Makalipas lamang ang ilang linggo, muli siyang bumalik sa battle ground upang ipagpatuloy ang kanyang misyon.
Noon ay nasugatan din sa bakbakan sa Basilan si Allan nang matamaan siya ng bala sa kanyang hita. At pangalawa, nasugatan din siya sa bakbakan sa Sulu matapos tamaan ang kanyang kamay.
Paulit-ulit man siyang masugatan ay paulit-ulit syang lalaban para sa bayan, aniya.
Si PFC Benbinuto ay nagmula sa bayan ng Tagkawayan, Quezon sa Quezon province. —Peewee Bacuño/LBG, GMA News
