Nasira ang anim na sasakyan matapos suwagin ng isang kalabaw na nakatakas sa katayan sa Trece Martires, Cavite, ayon sa ulat ng Unang Balita nitong Lunes.
Nakunan ng CCTV ang pagsugod ng kalabaw sa mga sasakyan sa kalsada.
Nagdulot ng pagbigat ng trapiko ang insidente.
Napilitan ang mga rumespondeng pulis na barilin hanggang mapatay ang kalabaw para matigil ang panunuwag nito.
Inako naman ng may-ari na si Renz Canlas ang lahat ng pinsalang dulot ng pagwawala ng kaniyang kalabaw. —KBK, GMA News
