Todo-effort ang ilang guro para maging makulay ang kanilang classroom at nang ganahan ang mga mag-aaral sa pagpasok.
Sa GMA News "Unang Balita" nitong Biyernes, ipinakita ang rainbow-themed classroom sa Lumban National High School na dinisenyohan ni teacher Joy Macalagay.
Tinulungan si teacher Joy ng kaniyang dating mga estudyante at napili nila ang tema na rainbow dahil simbolo ito ng pag-asa sa buhay sa kabila ng mga pagsubok.
Sa Barangay Cawayan sa Exterior Elementary School sa Masbate naman, Hello Kitty at puro pink ang theme ng isang classroom na dinisenyo ni teacher Samelyn Lafuente.
Nakulayan ng pink ang mga dekorasyon at upuan at sahig
Paraan ito ni teacher Samelyn para mabuhayan ang kaniyang mga estudyante. —Jamil Santos/LBG, GMA News
