Nasawi ang isang babae matapos siyang mabundol ng isang humaharurot na motorsiklo sa Dasmariñas, Cavite.
Sa ulat ni James Agustin sa GMA News "Unang Balita" nitong Lunes, makikita sa kuha ng CCTV camera habang tumatawid ang biktima sa Governor's Drive.
Pero pagdating niya sa gitna ng kalsda, nakita niya ang paparating na motorsiklo.
Nagtuloy ang babae sa pagtawid at ganoon din sa pag-arangkada ang motorsiklo hanggang sa mangyari na ang trahediya.
Sa lakas nang pagkakabangga, parehong tumilapon ang rider at biktima. Dinala sila sa ospital pero binawian ng buhay ang biktima pagkaraan ng ilang araw.
Patuloy umano ang imbestigasyon ng mga awtoridad sa insidente.--FRJ, GMA Integrated News
