Natagpuan ang bangkay ng isang sanggol na nakasilid sa isang plastic bag sa may tabing-dagat sa Barangay Punta sa Bacolod City.
Sa ulat sa Unang Balita nitong Miyerkules, inakala umano ng nakakitang babae na patay na hayop ang lamang ang nakasilid sa plasttic bag.
Pero nang buksan niya, tumambad ang patay na sanggol.
Agad niya itong ibinigay sa mga awtoridad upang maipalibing.
Ayon sa ulat, posible umanong bagong-silang lamang ang sanggol ng iwan sa tabing-dagat dahil nakakabit pa ang umbilical cord nito.
Nag-iimbestiga na ang mga pulis upang matukoy kung sino ang nag-iwan sa sanggol. —LBG, GMA News
