Patay ang isa sa top 5 most-wanted person sa lalawigan ng Iloilo nang manlaban umano ito sa mga awtoridad.

Iniulat sa Super Radyo dzBB ni Ivan Aguana ng Super Radyo Iloilo, na nanlaban umano ang suspect na kinilalang si Jenel Chiva ng Barangay Calinog, Iloilo City sa mga awtoridad na magse-serve sana ng arrest warrant sa kanya.

Top 5 most wanted person sa Calinog, Iloilo, patay matapos manlaban sa mga otoridad. | via Ivan Aguana, Super Radyo Iloilo

Si Chiva ay isa umanong notorious gang leader at most wanted person na may kasong murder, at use of unlicensed firearm.

Pinamunuan umano ng napatay na suspek ang Chiva robbery and gun-for-hire gang na kumikilos sa lalawigan ng Iloilo ang at mga karatig-lalawigan.

Narekober mula kay Chiva ang isang 9mm machine pistol, live ammunition, at isang granada. —LBG, GMA News