Dalawang Chinese na sangkot umano sa kidnapping ng kanilang mga kababayan ang napatay ng mga awtoridad nang manlaban umano sa isinagawang operasyon sa Angeles City, Pampanga.
Ayon sa Philippine National Police-Anti-Kidnapping Group, namataan ng mga tauhan ng AKG at mga operatiba ng Criminal Investigation and Detection Group (CIDG), ang Hyundai Starex sa Forest Park nitong Huwebes ng umaga na ginamit umano sa pagdukot kamakailan sa tatlong Chinese national.
Nang lalapitan umano ng mga pulis ang sasakyan, bigla umanong nagpaputok ng baril ang mga nakasakay nito, at doon na nagkaroon ng engkuwentro.
Isang pulis ang nasugatan at napatay naman ang dalawang suspek.
Bukod sa Starex, nakuha rin sa mga suspek ang dalawang caliber .45 na baril, isang M4 5.56 cal.
Ayon sa pulisya, isinagawa ang operasyon matapos masagip noong Hunyo 1 ang tatlong biktima ng kidnapping at pagkakaaresto sa dalawa pang suspek sa Pasay City noong Hunyo 6. --FRJ, GMA News
