Nagpahayag ng pasasalamat ang Filipino-American supporters nina US President Joe Biden at Vice President Kamala Harris sa malaking tulong ng administrasyon sa Filipino community.
Sa isang pahayag mula sa Filipino Americans for Biden-Harris, sinabi nila na kabilang ang Filipino community sa mga nakinabang sa mga naging patakaran at programa ng Biden administration.
"His administration has recognized and celebrated our contributions, ensuring our voices are heard and our community is represented," ayon sa grupo.
"Filipino Americans have greatly benefited from his policies, which have protected healthcare for those with pre-existing conditions, lowered costs for millions of patients, and resulted in greater gains in health insurance coverage for Asian American, Native Hawaiian, and Pacific Islander communities than any other racial or ethnic group," patuloy nila.
Kasunod ng deklarasyon ni Biden na hindi na muling tatakbo sa pagka-pangulo sa darating na halalan sa Nobyembre, sinabi ng grupo na nakahanda pa rin sila na suportahan si President Biden "in any way possible."
Pinuri ng dating alkalde at Councilmember na si Melissa Ramoso ng Artesia, California si Biden "for his courage to lead and serve as our President," at idinagdag na, "it should always be met with respect and honor."
Saludo rin si Mark Polido, dating alkalde ng Cerritos, California, kay Biden "for his commitment to restoring decorum, unity, and respect was a breath of fresh air for America and Filipino Americans across the country."
Malungkot man sa pag-atras ni Biden sa halalan, nagpapasalamat si Bergenfield, New Jersey Mayor Arvin Amatorio, sa pangulo at inindorso na pumalit sa kaniya si Harris.
"His decision to endorse Vice President Harris showcases his commitment to the nation above all else," dagdag nito.
Sa post sa X, sinabi ni Biden, 81-anyos, na mananatili siyang pangulo at commander-in-chief hanggang matapos ang kaniyang termino sa Enero 2025.— mula sa ulat ni Dave Llavanes Jr./FRJ, GMA Integrated News
