Nominado ang Nation's Girl Group na BINI bilang Best Asia Act sa 2024 MTV Europe Music Awards (EMAs).
Karibal nila sa naturang kategorya ang Illit ng South Korea, abg Nahakini ng Indonesia, ang Masdo ng Malaysia, at Sakurazaka46 ng Japan.
Maaaring bumoto ang fans ng BINI sa website ng MTV EMAs.
Gaganapin ang MTV EMAs sa November 10 sa Manchester.
Kabilang naman sa mga nakatakdang pagtatanghal ng BINI ang upcoming Asiya Festival at Billboard Philippines: Mainstage ngayong Oktubre, at Grand BINIverse concert sa Nobyembre.
Nitong nakaraang Agosto, natanggap ng P-pop girl group, kasama ang SB19, ang Voices of Asia award sa Billboard K Power 100 sa South Korea. —FRJ, GMA Integrated News
