Nagkasama sina Heart Evangelista at Lee Min Ho sa isang fashion event sa Bangkok, Thailand.
Sa isang Instagram Reel ni Heart, na mapapanood din sa 24 Oras Weekend nitong Sabado, makikita ang ilang moment nila ni Lee Min Ho, kung saan nakipag-handshake at binati nila ang isa’t isa.
Ayon naman sa Sparkle GMA Artist Center, nakasama rin ni Heart sina Desmond Tan, Bella Ranee Campen, at Mae Tan.
Ilang international celebrities na rin ang nakasalamuha ni Heart, gaya ni Mina ng TWICE, “Emily in Paris” stars Camille Razat at Ashley Park, Song Hye Kyo, Yugyeom ng GOT7, at Victoria’s Secret Angels na sina Taylor Hill at Sui He. – Jamil Santos/VBL, GMA Integrated News
