Sinagot ni KC Concepcion iba't ibang tanong ng fans sa kaniyang vlog na #AskMeAnything. Nagbigay din siya ng payo para sa single ladies.
“I love being in my 30s. I think our 30s are a lot more empowering, and a lot more fun than your 20s,” ayon sa aktres.
Paliwanag pa ni KC sa kaniyang vlog, mas kilala na ng babae ang kaniyang sarili pagsapit ng edad na 30's.
“Because you know yourself better or you should know yourself better. ‘Yung strengths ninyo, ‘yung weaknesses ninyo, ‘yung maging totoo kayo kung hanggang saan lang kayo," sambit ng aktres.
"Plus sana by now may work na talaga kayo. Kung hindi man career path like nagwo-work kayo so you should have more money than you did in your 20s,” patuloy niya.
Binigyan-diin din ng anak nina Sharon Cuneta at Gabby Concepcion ang kahalagahan na pangalagaan na ang kalusugan dahil ang pagiging "30s is like being in your 20s, but better.”
Mahalaga rin na alamin ang mga tunay na kaibigan at gawin ang mga bagay na gustong gawin kasama ang minamahan.
“You’re still young, and especially now it’s a lot easier to travel, mas marami na tayong alam because of social media so I think in your 30s, it’s a good time to still enjoy life. What our lives will look like in the next five years depends on what we do now,” paalala niya.
Sa tanong tungkol sa kalagayan ng kaniyang puso, masayang sinabi ni KC na, “it's shining, shimmering, splendid, and bejeweled.”
“In other words, okay naman siya,” dagdag niya.
BASAHIN: KC Concepcion, inihayag na may bagong special someone
Kamakailan lang, naging bahagi si KC ng “Dear Heart" concert ng kaniyang mga magulang, at bumida siya sa international movie na "Asian Persuasion."— FRJ, GMA Integrated News
